Tags

Dosto aao sunau tumko mai ek waqeya,

Ek din majlis se apne ghar ki jaanib mai chala,

Raaste me saamna waise se mera ho gaya,

Hasbe aadat tanziya laheje me woh kahne laga,

Shirk hai ghair e khuda pe ashq barsana suno,

Mai yeh bola baat ab meri bhi Maulana suno,

Aadam-O-Hawwa ka kya bete pe rona shirk tha?

Hazrat-e-Yaqub ne Yusuf pe kyo giriya kiya?

Tu agr hai ummati SARKAR (saww) ka toh yeh bata..

Hazrat e Hamza pe kyo roye Muhammad Mustafa (saww)..?

Ya toh ab SARKAR (saww) se tu apna rishta tod de..

Ya Azaadaro pe waai’z tanz karna chod de..

Kaat kar phir baat meri yeh kiya usne sawal..

kyu madad Haider se lete ho bajaye Zul-jalaal,

mai ye bola apni bosida kitabein tu khangaal,

Unme mil jayegi tujhko Jang e Khyber ki misaal..

Tujhpe ho jayega saabit behes yeh bekar hai..

Naar e HAIDER lagana Sunnat e SARKAR hai..

Baaton baaton me jehaalat uski jab khulne lagi..

Badhte badhte baat zikr e Karbala tak aagayi..

Wo yeh bola karbala to jung Shahzaadon ki thi..

Mai ye bola Karbala hai zindagi Islam ki..

Tere Shahzade(lanati) se badh kar yun mera Shabbir hai..

Wo toh saare passt hain , ye Waaris e Tatheer hai..

Muh bana kar tilmila kar phir chali uski zuban..

Tu hai Maulaai to Haider ke faza’el kar bayan..

Mai yeh bola is qadar bardasht hai tujhme kaha..

soch le dil par tere girne lagengi bijliyan..

Teri sehat ke liye kafi hai yeh Ghaibi pukar..

LA FATAH ILLA ALI LA SAIF ILLA ZULFEQAAR..

Baat aise phir Abu Talib ki usne chedh di..

kufr par uske mutabiq guzri unki zindagi..

Mai yeh bola phir toh yeh tauheen hai Allah ki..

Parwarish kafir ke ghar SARKAR (saw) ki hoti rahi..

Aqd e Paighambar (saww) padha jisne wo insan kaun hai..

Gar Abu Talib hai kafir phir musalmaa’n kaun hai..

Padh ke wo lahaul akhir khud hi gayab ho gaya..

Phir mujhe rota hua maidaan e Mehshar me mila..

Muskura kar maine pucha khair to hai kya hua..?

Aah bhar kar woh yeh bola haye mai mara gaya..

Ab yaqeen aya ghum e sarwar me rona theek tha..

Manta hu mai takk’allum tera kehna theek tha….

Advertisements